Главная » Деятельность фонда » Пресс-центр » Анонсы » ҚАТ ТАҚЫРЫБЫНА БАЙЛАНЫСТЫ ЖУРНАЛИСТЕР АРАСЫНДА БАЙҚАУ

ҚАТ ТАҚЫРЫБЫНА БАЙЛАНЫСТЫ ЖУРНАЛИСТЕР АРАСЫНДА БАЙҚАУ

«Қазақстанда АИТВ індетін алдын алу және есірткіге тәуелділікті емдеу мақсатында қолдайтын алмастырушы терапияның ауқымын кеңейту» жобасын жүзеге асыру мақсатында «Аман-саулық» ҚҚ Орталық Азия Еуразия қорының қаржылық қолдауымен,  АҚШ Халықаралық даму агенттігінің (USAID) «Тиімді басқаруды қолдау бастамасы» бағдарламасы аясында инъекциялық есірткілерді қолданатындар арасында АИТВ/ЖИТС алдын алу және есірткі тәуелділігін төмендету үшін Қазақстан Республикасында алмастырушы терапия ауқымын кеңейту мәселеріне қатысты электрондық және Интернет-БАҚ журналистер және блогерлер арасында байқау жариялайды.

Байқау аясындағы аталымдар

Байқау 3 аталым бойынша өткізіледі:

- Баспа басылым беттерінде қолдайтын алмастырушы терапия тақырыбына қатысты жарияланған ең үздік материал;

- Теле- және радиоарналарда қолдайтын алмастырушы терапия тақырыбына қатысты жарияланған ең үздік материал;

- Интернет-басылымдарда қолдайтын алмастырушы терапия тақырыбына қатысты жарияланған ең үздік материал.

Байқау шарттары

Байқау Қазақстан Республикасында қолдайтын алмастырушы терапияның ауқымын кеңейту мәселелеріне қатысты ең үздік және сенімді ақпаратты жариялау жөнінде республикалық және аймақтық бұқаралық ақпарат құралдарының журналистері арасында өткізіледі.

Инъекциялық есірткілерді қолданатын тұлғалар арасындағы АИТВ індетін алдын алу және де есірткі тәуелділігін емдеуге арналған қолдайтын алмастырушы терапияның ауқымын кеңейту қажеттілігі жөнінде халықтың хабардарлығын арттыру мақсатында аталған жоба аясында Астана, Көкшетау, Қызылорда, Петропавл, Талдықорған қалаларында аймақтық Қоғамдық тыңдауларды, сондай-ақ, Ақтау, Атырау, Шымкент қалаларында сапрашылардың қатысуымен дөңгелек үстелдерді өткізу жоспарланып отыр. Журналистер осы іс-шараларға шақырылады.

Байқауға жіберілетін материалдар 2017 жылдың 25 сәуірінен бастап 2018 жылдың 15 қаңтарына дейінгі аралықта баспа және интернет-басылымдарда жарияланып, теле-радиоарналар эфиріне шығуы тиіс.

Материалдар қандай түрде қабылданады?

Байқауға қатысу үшін үміткерлер байқау аталымын, материал атауын, шыққан күнін, қысқаша сипаттамасын, автор туралы мәліметтерді (аты-жөні, жұмыс орны, байланыстары) көрсете отырып өтінімді (еркін түрде) жібереді:

- теле-радио материалдар (теле-радио сюжеттер, теле-радио бағдарламалар) бейне немесе файл хостингіне (youtube) жүктеледі, электрондық пошта арқылы ұйымдастырушыларға тек қана оның сілтемесін, сондай-ақ, материалдың эфирге шыққан күні, тақырыбы, ұзақтығы туралы қысқаша мәліметтерді жіберу қажет;

- газет және журналда шыққан жарияланымдар pdf немесе jpeg форматында сканерленіп, электрондық пошта арқылы ұйымдастырушыларға материалдың жарияланған күнін, тақырыбын көрсете отырып жіберу қажет;

- интернет-басылымдарда жұмыс жасайтын журналистер материалға сілтеме жіберуі ғана қажет.

Әрбір журналист Байқауға 1 жарияланым/сюжетті жіберуге құқылы.

Жұмыстар қазақ және орыс тілдерінде қабылданады.

Байқауды қорытындылау

Нәтижелерді бағалау және байқауды қорытындылау үшін арнайы комиссия құрылып, оның құрамына ҚР ДСМ, ҚР ІІМ есірткі бизнесіне қарсы күрес жүргізу департаментінің е, қоғамдық қайраткерлер, журналистер және ҮЕҰ өкілдері кіретін болады.

Байқау қорытындысы 2018 жылдың қаңтар айының соңында шығарылады.

Арнайы комиссия әрбір аталым аясында бір жүлделі орынды белгілеп, жеңімпаздарды марапаттайды.

Әрбір аталым бойынша жеңімпаз атанған журналистерге 80 мың теңге мөлшерінде ақшалай жүлделер табысталады.

Өтінімдер мен материалдардың қабылданатын соңғы күні — 2018 жылдың 15 қаңтары.

Байқауға өтінімдер мен материалдарды «ПЗТ: Конкурс журналистских работ» деген белгімен amansaulyk@mail.ru электрондық поштасына жіберу қажет.

Анықтама немесе кеңес алу үшін: +7 (727) 292‑04‑85, +7 (727) 220‑71‑87 amansaulyk@mail.ruАман-саулық» ҚҚ, Алматы қ., Байтұрсынов к., Ғабдуллин к-ң қиылысы, 145/26, 1-қабат, 110-каб., 112).


Уважаемые посетители!

В связи с техническими особенностями сайта Ваши комментарии иногда могут запаздывать с публикацией. Благодарим за понимание!

Для нас ценно Ваше мнение!

Деятельность фонда


вопросы и пожелания

подписка на новости